छत्तीसगढ़ राजभाषा के शब्द और साहित्य का होगा डीजिटलाइजेशन

रायपुर, 17 जनवरी 2023।
देश के अनेक राज के राजभाषा अउ लोक भाषा के साहित्य व्याकरण , शब्दकोश आदि ल डिजिटाईट करे बर जोन मैसुर से सर्वेक्षण अउ जानबा लेय बर दो सदस्यीय दल छत्तीसगढ़ राजभाषा आयोग आय रहिस उन मन आयोग में जम्मा क्रिया कलाप अउ आयोजन मन के जानकारी देय गिस ।
आयोग हर छत्तीसगढ़ी म राजकसज त्रिभाषा पाठ्यक्रम आठवी अनुसूची म संघेरे बर एक सतत प्रयास रत हवय ।
साथ एक उच्च स्तरीय समिति गठित करे हे जेकर से छत्तीसगढ़ी म मानक शब्दकोश अउ व्याकरण बनही । तेकर से अध्ययन अध्यापन अउ लेखन म एक रुपता आही अउ मानकीकरण तको होही।
आज छत्तीसगढ़ी म प्रशिक्षण कार्यक्रम तको होइस जेमा संस्कृति अउ पुरातत्व विभाग के जम्मा अधिकारी कर्मचारी मन बड उछाहित भाग लिन ।
प्रशिक्षक रहिन डा शैल शर्मा अध्यक्ष भाषा एंव साहित्य अध्ययन शाला पं रवि शु वि वि रायपुर । डॉ . सुधीर शर्मा विभागाध्यक्ष कल्याण महाविद्यालय भिलाई कार्यक्रम जे आर भगत , प्रताप पारख , अमृत लाल पैकरा , शुभाष जैन सहित जम्मो अधिकारी कर्मचारी मन रहिन।
कार्यक्रम के संचालन डाॅ अनिल भतपहरी सचिव राजभाषा आयोग करिन ।